ʻAimalama

He kahua e pili i ka ʻaha ʻo ʻAimalama.  E hoʻohana hou ʻia ana ke kaulana mahina.  Nui nā mea hoihoi e hiki ai ke hoʻohana ʻia ma ka lumi papa.  Aia nō he kākī no kekahi o nā mea.

Annexation Project

He papahana kēia e mālama ʻia e kula ʻo Punahou.  Ua pākuʻi ʻia nā kumu waiwai mua e pili i ke kahuli aupuni Hawaiʻi.

Brigham Young University 

He kahua no ka hale waihona puke o Joseph Smith no BYUH.  Aia nā kiʻi a me nā moʻolelo like ʻole no Polenekia, akā ma ka waihona o Clinton Kanahele, aia nō kekahi mau nīnauele ma ka ʻōlelo Hawaiʻi.  Hiki nō hoʻi ke nānā ʻia kekahi mau kiʻi o Hawaiʻi i ka wā i hala ma ka waihona o Frank Call.

Google ʻŌlelo

Kuhikuhi ʻia ke kaʻina hana no ka hoʻokomo ʻana mai i nā kinona hua Hawaiʻi ma Google docs inā ʻaʻohe kamepiula Mac.  Hōʻike hoʻi ʻia ka hana no ka hoʻokomo ʻana i kekahi huaʻōlelo Hawaiʻi hou ma ka puke wehewehe o Google.

Hale Noelo

He papahana kēia a OHA i mea e kōkua ai i nā Hawaiʻi i ka noiʻi ʻana i ka ʻike like ʻole, e laʻa, ka moʻokūʻauhau, nā palapala ʻāina, nā palapala aupuni, a pēlā wale aku nō.

Handwriting Worksheets

Hiki nō ke haku i haʻawina kākau ponoʻī.  Maikaʻi no nā kamaliʻi e aʻo ana i ke kākau ʻana a i ʻole ka lima hiō.

Hawaiʻi Alive

Na ka Hale Hōʻikeʻike ʻo Bihopa i kūkulu i kēia kahua no ka ʻike e pili iā Hawaiʻi a me ka moʻolelo Hawaiʻi.  Hiki nō ke nānā ʻia kekahi o nā palapala o ka hale hōʻikeʻike.  Hoʻonohonoho ʻia ke kahua ma ka wao lani, ka wao kānaka a kai ākea.

Hawaiian Keyboard 

Kuhikuhi ʻia ka hoʻoili ʻana i ka Hawaiian keyboard ma Google.

Hawaiian Phrase Book

He puke kēia i paʻi ʻia i ka makahiki 1906 i mea e aʻo ai i nā Hawaiʻi i ka ʻōlelo haole.  I ka lolelole ʻana i lalo, e ʻike ʻia ana nā puke hou aku a nā mikionele i paʻi ai. 

Holomoana

He kōkua paha kēia kahua i ke aʻo ʻana e pili ana i ka hoʻokele ʻana a nā Polenekia i ka Pakipika.  He mau mea ko kēia kahua, he pāʻani pūnaewele, he mau palapala ʻāina, a he mau moʻolelo liʻiliʻi.  Na ka Hale Hōʻikeʻike o Pīhopa i hoʻokumu.

Hōʻike Maui

He mau haʻawina i haku ʻia e nā kumu o Maui e pili i nā wahi o Maui me ke kōkua ʻana mai o nā kānaka akeakamai like ʻole.

Hula Preservation Society

Hula Preservation Society:  He ʻahahui e mālama ana i ka ʻike no ka hula.  Aia ka waihona hula i pika i nā huaʻōlelo o nā mele, nā wīkiō, ka ʻike no ka hula, a pēlā wale aku.

Institute of Hawaiian Language

Institute of Hawaiian Language (Ke Keʻena Noiʻi A Unuhi ʻŌlelo):  He hui noiʻi ʻōlelo ma lalo o ke Kulanui o Hawaiʻi ma Mānoa.

Kahua Aʻo

He kahua pūnaewele kēia e kākoʻo ana i ke aʻo ʻana no ke anilā a me nā luapuele.  Huki ʻia ka ʻike mai ka nūpepa kahiko mai.
kahuaao-usinghilangnewspaperforscience.pdf
File Size: 966 kb
File Type: pdf
Download File

Kīpuka

He kahua pūnaewele kēia na OHA no ka ʻimi ʻana i nā palapala ʻāina no ka ʻike no ka ʻāina.

Kulāiwi

He hōʻike kīwī mai nā makahiki 1990 e aʻo ana i ka ʻōlelo Hawaiʻi i ka lehulehu.  Na ʻEkela Kanīʻaupiʻo-Crozier i aʻo mai.  ʻO ka mea hoihoi paha i nā keiki kaiapuni nā hana keaka liʻiliʻi ma kēlā me kēia hōʻike.  Hiki paha ke hoʻohana ʻia ma nā papa ʻōlelo Hawaiʻi no nā ʻohana.

Mea Ulu

He kahua pūnaewele i hoʻokumu ʻia e ke Kulanui o Hawaiʻi ma Mānoa ma lalo o ka Mahele Kālai Lau Nahele.  Helu ʻia nā inoa akeakamai a Hawaiʻi o nā mea ulu Hawaiʻi like ʻole a aia nā kiʻi kekahi.

Hawaiʻi Mission Houses

I ke kaomi ʻana i kēia pihi, e eʻe ana i ke kahua pūnaewele o Nā Hale Hōʻikeʻike o nā Mikanele (Hawaiʻi Mission Houses Historic Site and Archives).  He waihona nui ko lākou i nā palapala like ʻole i ka wā o nā makahiki 1778 - 1900.  Hoihoi loa ka nānā ʻana i nā leka a nā aliʻi i kākau ai.

Nāmaka

Aia nā wikiō like ʻole e pili iā Hawaiʻi.  No kekahi wikiō, aia ma ka ʻōlelo Hawaiʻi a no kekahi wikiō, aia ma ka ʻōlelo haole nō.

N​ūpepa

He mea e kākoʻo i ka noiʻi ʻana ma nā nūpepa ʻōlelo Hawaiʻi.  Aia kekahi ʻike ma ka ʻōlelo haole, akā aia hoʻi nā moʻolelo nūpepa e kākoʻo ana i nā kumuhana like ʻole.

No Oʻahu

He mau wahipana, moʻolelo, inoa, a ʻike no Oʻahu.  Aia ma ka ʻōlelo Pelekānia.  Mai ka puke mai a Dennis Kawaharada ʻo Traditions of Oʻahu.

Papakilo Database

He kahua pūnaewele i hoʻokumu ʻia e OHA no nā mea like ʻole e pili ana i ka ʻāina, ka moʻokūʻauhau a pēlā wale aku.  Aia kekahi mahele ma ka ʻŌlelo Hawaiʻi, akā he ʻōlelo haole ka hapa nui.

PBS Hawaiʻi

Pili kēia paena pūnaewele i ka loli ʻana o ke aniau o ka honua, akā aia he mau haʻawina pili iā Hawaiʻi a me ka Pakipika.  Hiki ke ʻimi a loaʻa nā haʻawina like ʻole o ke kahua PBS Learning Media holoʻokoʻa ma ka ʻaukā o luna o ka paena.

Punawaiola

He waihona ʻike Hawaiʻi no nā mea like ʻole, e like me ke Kula Kaiapuni o Kahuku, nā palapala kau kānāwai a pēlā wale aku.

Sea Grant

Wae ʻia nā moʻolelo nūpepa ma nā poʻomanaʻo ʻepekema like ʻole, ʻo nā hōkū ʻoe, ʻo nā makani pāhili ʻoe, ʻo ka lawaiʻa ʻoe, ʻo ke anilā ʻoe, a pēlā wale aku.  Unuhi ʻia hoʻi nā moʻolelo i ka ʻŌlelo Pelekane. 

Trussel 2

He kahua pūnaewele na Kepano Trussel e hoʻohui ana i nā puke wehewehe a pau a me Place Names.  Ma ke kikokiko ʻia ʻana o kekahi huaʻōlelo, hōʻike ʻia nā manawa a pau e ʻōili mai ana ia huaʻōlelo ma nā puke a pau.

ʻUluʻulu

He waihona kiʻi ʻoniʻoni a ke Kulanui o Hawaiʻi e hoʻopaʻa ana i ka moʻolelo o Hawaiʻi a me nā ʻōiwi o Hawaiʻi.