No Aʻo
Hoʻokumu ʻia kēia kahua pūnaewele e ke Kōmike Hoʻonaʻauao o ka ʻAha Kauleo i ka mahina o Nowemapa i ka makahiki 2013.  He mea kēia e kākoʻo ai i nā kumu kaiapuni a e poʻokela ai nā haʻawina e aʻo ʻia ma nā kula kaiapuni.  Hiki i nā kumu ke hoʻouka mai i ka haʻawina a hiki nō ke lawe ʻia nō hoʻi ka haʻawina.  ʻO ka mea nui, loaʻa ka haʻawina i nā kumu kaiapuni e kū ana i ka ʻike Hawaiʻi a me ka ʻōlelo Hawaiʻi.

Aia nō hoʻi nā loulou like ʻole i nā kahua pūnaewele hou aku e huli ai ke kumu kaiapuni i nā mea e kākoʻo ana i kona aʻo ʻana i ka ʻike Hawaii a me ka ʻōlelo Hawaiʻi.  Hiki ke lele i ia mau lou ma o ka ʻaukā o luna.

No laila, me ke aloha a me ka paipai nui mākou e kono aku ai i nā kumu kaiapuni e komo mai a e AʻO!

Kākoʻo no COVID-19

Nā Loulou Kākoʻo:
Kono ʻia nā kānaka a pau i ke kipa ʻana aku iā manomano.io, he puke wehewehe hou a Ke Kula ʻo S.M. Kamakau i kūkulu ai.  E hoʻāʻo ʻoe, a laila, noi ʻia ʻoe e waiho i kou manaʻo no nā mea i holopono a me nā mea e hoʻoponopono ai.  Mahalo!​